مدخل ....
ادري انا الغلطان
مو انت...
أنا ما كنت أنا احبك .. أنا كنت أعشقـك و اخـتـال
أنـا كنت اشربـك و اضماك و ارجع اشـرب ادلالـك
أنـا كنـت بـزوايا الـكون اشـوفك عــالم الآمال
و اشوفك كل هالدنيـا بعينـي أنـت بـالـحـالـك
تذكر يوم نتخيـل كبرنـا و صار عـنــدي عيـال
و قلت آسـمِّـي بـأسـمك إذا ماكـانـوا عيـالك
تـذكر يوم كـان العمـر يغنـيـنـا فـرح مـوال
وادوزن خطوتـي بـسـكَّـه توصّلنـي على جـالك
هناك المـدرسـه و السـور و بيت محـمـد الرحـال
جدار و بيدك الفحمـه تِكتِّـبْ بَـه و يحـلالــك
بأخر هذي اللفـه بـقـالـة مطـلـق البـتــال
و دايم مِنّـها ناخذ حـلاوة تـشـبــة هــبالـك
تجـنـن وانت تاكلها وتعـطي مِنّهـا الـجـهـال
وتحكـي هذي من "فطـوم" جابتها و انا قـبـالـك
كبرنـا وصارت وعـودك مابين العـم و الاخــوال
ودايـم حجتي حصـه لانها بــس مَـرَة خـالـك
تهندم لي على كيفـي .. و تلبس لـي شُمغ و عقـال
و اموووت ان شفت من زولك وطرف هـالثوب و عقالك
ويوم اللـي خطبني زيـد ...غرت وصار حالـك حـال
و قـلـت الليلـه الليلـه انا مهـلوك او هــالـك
لعينك اركب امواج الخطـر مااسـأل عن الاهــوال
بعد قلبي صبر ع الشـوق و زود العشـق واهـوالـك
بعـد هذا تقابلنـا وجيـت بـيـدّك الـسلـسـال
تلفـه فـوق عنقــي لف كأنك تـوثـق حـبالـك
تقولـي لا حضـر موتـي امانه اقطعــي بالحــال
شهقت وقلـت من قلبـي فــال الله و لا فــالـك
سألتك ليـه يا روحـي بوجهـك بايـن الغـربـال
ترى الاحـزان ياعمـري ماخِلْقت لـكّ و امثـالـك
وجاوب هالدمـع عنـك بعـد شفتـه بخـدك سـال
عرفـت انـك نويت البعـد عـازم فيـه ترحالــك
صبرت وقلت ابي اصبـر ولـو هـذا البعـد قـتـال
سنـيـن ارتب آمالـي ..و ازينهـا بآمــالــك
بعد خمسـه سنيـن تـرد ..و ألمـح فـي يديك اطفال
و أسأل..منهم اطفالـه..؟ يقولون لـي هـم اطفالـك
كأنه شئ يكسرنـي , يحطمنـي , كـــذا و لازال
كأنه شـئ ينحرنـي و يرمينـي علــى رمالــك
تبسـم وانت تسألنـي :كيفـك ؟هاه ؟ عـال العال ؟
اليـن اليـوم مهبولـه ؟ ولسـه عايشـه اخبالــك ؟
و جاوبتـك وانا همـي علـى كتفـي يهـد جبــال
انا مـا كنت اظـن بيوم تركـن فوقـي اجبـالـك
إذا كان الوفـي مهبـول..! ألايا لعنــة العـقــال
امااانـه لا تكثـرها..وبيدك شـــد سلسـالــك
مخرج
تعلمت انا من الدر س..
